မိုးစက်လေနှင်

ဒီနေ့ကောင်းကင်ကြီး တခုလုံးအုံ့ဆိုင်းနေသည်..မိုးများလည်းမစဲရွာနေသည်... ပင်လယ်ဆီမှ တိုက်ခတ်လာသော လေပြင်းများကြောင့် မိုးစက်များသည် မြေပြင်ထက်သို့ တည်တည်ငြိမ်ငြိမ် ကျဆင်းနိုင်ခြင်းမရှိ...ဘယ်ညာယိမ်းထိုး ဝေ့၀ဲ၍ ကျဆင်းနေရရှာသည်...မိုးသည် ပြင်းထန်စွာရွာသွန်းနေသည်ဟု မဆိုနိုင်...လေပြင်း၏ တွန်းအားကြောင့် အရှိန်အဟုန်ဖြင့် ရွာသွန်းနေသည်ဟု ထင်ရသည်...အဝေးကိုလှမ်းမျှော်ကြည့်မိတော့လည်း တိမ်ညိုတွေ အိကျနေတဲ့ မှိုင်းညှို့ညှို့ တောင်တန်းတသွယ်...သစ်ပင် သစ်ရွက် သစ်ခက်တွေလည်း လေအဝှေ့မှာ ဟန်မဆောင်နိုင်ပဲ တ၀ုန်းဝုန်းနဲ့ ယိမ်းနွဲ့နေရရှာပြန်တယ်...မိုးသည် လူတွေ၏စိတ်ကို လှုပ်ခတ်စေသည်...တိမ်ညိုတွေတက်လာတဲ့ မိုးကောင်းကင်ကို ကြည့်မြင်သူ၏ စိတ်သည် အနည်းငယ်လှုပ်ရှားလာစမြဲ ဖြစ်သည်...အလွမ်းအဆွေး ဓါတ်ခံမရှိသူတောင် အနည်းငယ် လွမ်းသယောင်ယောင် ဆွေးသယောင်ယောင် ခံစားရတတ်သည်...ချစ်သူနှင့် ခွဲခွါနေရသူအဖို့ကား ပြောစရာတောင်လိုမည်မထင်...မညိုခင်ကတည်းက ပြိုချင်နေသူမို့ ငိုချင်ရက် လက်တို့ ...ပတ်ဝန်းကျင်တစ်ခွင် ရှစ်ခွင်တိုင်းမှိုင်းတိုင်း မောင့်ရင်မှာခင့်ကို လွမ်းအားပိုစေပါတယ် ခင်...ပင်လယ်ပြင်မှာ လေပြင်းမုန်တိုင်း ၀င်ရောက်တိုက်ခတ်တိုင်း ပင်လယ်ရေလှိုင်းတွေဟာ ကမ်းခြေကို တ၀ုန်းဝုန်းနဲ့ရိုက်ခတ်သလိုပဲ မောင့်ရင်မှာ ခင့်ကိုလွမ်းတဲ့ စိတ်တွေကို မစဲတဲ့မိုးတွေက အရှိန်အဟုန်ပြင်းအောင် နှိုးဆွနေတယ်ခင်....မိုးရာသီကို နှစ်သက်တဲ့ မောင်တို့နှစ်ဦး...ဟိုအရင်အချိန်က မိုးတွေရွာရင် နှစ်ဦးသားပျော်မြူးခဲ့ ကြဖူးတယ်...မိုးရွာထဲမှာ နှစ်ဦးသား လက်ချင်းတွဲပြီး လမ်းတွေလျှောက်ခဲ့ကြတယ်...မောင်ကရှေ့က စက်ဘီးနင်း ခင်ကထီးမိုးပေးပြီး မိုး၇ွာထဲမှာ စက်ဘီးစီးခဲ့ဖူးတယ်...မောင့်ကျောပြင်မှာ ခင့်ကိုယ်နွေးနွေးလေး ကပ်ရင်းပေါ့...ငယ်စဉ်က မိုးရွာထဲမှာ စိတ်ကူးယဉ်ခဲ့ရတဲ့ မောင့်ရဲ့အိမ်မက်တွေ ခင်နဲ့တွေ့မှ အသက်ဝင်ခဲ့တယ်...မိုးနဲ့ပတ်သတ်ပြီး ပြန်တွေးရင် ခင်နဲ့မောင့်ရဲ့ အဖြစ်အပျက်တွေဟာ အများကြီးပါပဲခင်...မိုးတွေသည်းထန်စွာ ရွာနေတဲ့ ဆူးလေဘုရားလမ်း ခင်တို့ရုံးရှေ့ ထီးတလက်နဲ့ တကိုယ်လုံးရွှဲစို ခိုက်ခိုက်တုန်နေပေမယ့် ခင်ရုံးဆင်းအလာကို ရင်ခုန်စွာနဲ့ စောင့်စားနေခဲ့ဖူးတယ်...တုန်နေအောင် ချမ်းစိုနေတဲ့ မောင့်ကို အနွေးဓါတ်ရအောင် ခင်ရဲ့ ရင်ခွင်လေးထဲထည့်ပြီးထွေးပိုက် ထားခဲ့သေးတယ်...ယုယတတ်တဲ့ ချစ်သူ...မောင့်ဘ၀ကို နွေးထွေးအောင် အကြင်နာအနွေးဓါတ်တွေ ပေးခဲ့သောချစ်သူ... အချိန်တိုင်းလွမ်းပါသည်...အချိန်တိုင်းတမ်းတမိသည်...အရင်က မိုးတွေဘယ်လောက်စိုစို မောင့်ကိုယ်မှာခြောက်သွေ့ခဲ့သည်...အခုတော့ချစ်သူ... မိုးရေစက်တွေကို ကာပေးမယ့် အကြင်နာ ထီးဆောင်းရှင် အဝေးမှာလေ..တမ်းတလို့ လွမ်းဆွေးရသည်ပေါ့...ဒီ့အပြင်ဘာများတတ်နိုင်ဦးမှာတုန်း...အပြင်မှာ မိုးတွေရွာကောင်းတုန်းပဲ ခင်...အချိ်န်တန်ရင်တော့ မိုးကြောင့် အေးခဲနေတဲ့ မောင့်နှလုံးသားတွေ အနွေးဓါတ်ရစေဖို့ ခင့်ရဲ့ရင်ခွင်ဆီ အပြေးပြန်ခဲ့ ပါဦးမည်....ဆီးကြိုတော့ ချစ်သူ...နောက်နှစ်မိုးတွေ ရွာရင်မောင်ပြန်လာခဲ့မယ်ခင်................